A caixa matemática II

Na "terceira edición" da Caixa Matemática aproveitamos o seu efecto motivador para traballar, por equipos, a resolución de problemas en dúas fases (aqueles que se resolven con dúas operacións).

A técnica cooperativa empregada foi a 1, 2, 4: primeiro tentamos resolvelo de forma individual, despois poñemos esas estratexias en común coa nosa parella e, finalmente, achegamos a solución final entre os catro membros do equipo.

Esta vez, o premio ao esforzo foron as xa famosas gomas en forma de libriño que tanto nos gustan!

 A Caixa!

Hoxe querémosvos ensinar a actividade que é, sen dúbida, a máis demandada e esperada ao longo da semana.

Trátase de "La caja", co nome en castelán porque está dirixida a traballar contidos da área de matemáticas.

O obxectivo é resolver unha serie de acertixos, que van cambiando cos temas que imos dando, para acadar a combinación correcta que abra os cadeados que pechan a nosa caixa. 

Se o conseguen, dentro haberá unha pequena recompensa ao seu esforzo. Nesta ocasión: tatuaxes temporais de Samaín!