Hoxe queremos compartir con vós o resultado da segunda entrega do noso Proxecto Competencial "Miña casiña, meu lar!".
Esta vez tocoulles o turno ao pazo, á choza Ndebele e á maloca.
Adxúntovos as imaxes das maquetas e os vídeos das presentacións orais dos tres equipos.
Canto aprendimos e que bonitiñas nos quedaron!
Despois de buscar información na rede sobre as nosas casiñas, de planificar o nosos plans de construción e de construir as nosas maquetas, é o turno de comunicar o aprendido ao longo desta primeira parte do proxecto.
Unha oportunidade para desenvolver a competencia lingüística dos alumnos a través da exposición oral.
O broche perfecto para o noso traballo!
(Pinchade nos títulos para ver os vídeos).
Unha parte importante do noso Proxecto Competencial anual é a construción das maquetas daquelas casas tradicionais que estivemos a estudar en cada un dos trimestres.
Este é o resultado final da parte máis artística da área, pero que está directamente relacionada coas habilidades de investigación e de planificación do traballo en equipo que tivemos que facer previamente.
Mirade canta maravilla!
Así se chama o noso proxecto interdisciplinar que estamos a traballar dende a nova materia de Proxecto Competencial.
Unha materia onde combinamos as competencias dixitais para pescudar información na rede sobre algunhas das casas tradicionais máis coñecidas do mundo, as competencias artísticas e as competencias comunicativas.
As casiñas desde trimestre son: o iglú, o tipi, a yurta e a palloza.
Un traballo en equipo que, como vedes, está a dar moi bos resultados!
